2024(e)ko martxoaren 4(a), astelehena

2024ko egitaraua (aurreikuspena)


URTEKO EGITARAUAREN AURREIKUSPENA

Batzar Orokorra burutu ondoren hau da 2024ko onartu zen Jardueren Egitaraua:


URTARRILA
  • 26an Entsegua Itsasorekin eta kantujira

OTSAILA
  • 4an Santa Agedako kantujira
  • 9an Entsegua Itsasorekin eta kantujira
  • 23an Kantujira
  • 25ean Ezkio-Astigarraga aldera txangoa autobusean

MARTXOA
  • 1ean URTEKO BATZAR OROKORRA
  • 1ean Kantujira
  • 15ean Korrika Trikijira
  • 22an Entsegua Itsasorekin eta kantujira

APIRILA
  • 12an Kantujira
  • 26an Entsegua Itsasorekin eta kantujira

MAIATZA
  • 10ean Kantujira
  • 24an Entsegua Itsasorekin eta kantujira

EKAINA
  • 14an Entsegua Itsasorekin eta kantujira
  • 22an VI. Getxo Kantari
  • 28an Kantujira

UZTAILA
  • 10ean San Kristobal
  • 16an Karmen
  • 22an Madalena
  • 25ean Santiago

ABUZTUA
  • 4an Kantuz Itzubaltzeta
  • 13an Pertseidak
  • 31an (edo 30ean) XIII. Plentzia Kantari

IRAILA
  • 1ean (edo 2an) PIKA-PIKA Jaietan
  • 7an (edo 8an) Kantuzalearen Eguna
  • [?] Sopela Kosta Fest
  • 27an Entsegua Itsasorekin eta kantujira

URRIA
  • 6an Euskal Jaia Gernikan
  • 11an Kantujira
  • 25ean Entsegua Itsasorekin eta kantujira

AZAROA
  • 8an Kantujira
  • 16an [*] Txangoa autobusean (oraindik zehaztu gabe)
  • 22an Entsegua Itsasorekin eta kantujira

ABENDUA
  • 6an San Nikolas Eguna
  • 20an Gabon Kantak


Plentziako Kantagunearen Batzordea

2024(e)ko otsailaren 18(a), igandea

2024ko udako egitaraua (aurrerapena)


UDAKO EGITARAUA AURRERATZEN

2024ko otsailaren 16an bildu zen Batzordea eta hartutako erabakien artean, jarraian erakusten den Jarduera-plana erabaki zen. Udako proposamen hau eta neguko proposamen hau Batzar Nagusiak onartu beharko ditu martxoaren 1eko bilkuran:

UZTAILA
  • 10ean San Kristobal
  • 16an Karmen
  • 22an Madalena
  • 25ean Santiago

ABUZTUA
  • 13an Pertseidak
  • 31an (edo 30ean) Plentzia Kantari

IRAILA
  • 7an (edo 8an) Kantuzalearen Eguna


Martxoaren 1eko Batzarrean proposatuko programazioa guztion artean onartuko dugu.

Plentziako Kantagunearen Batzordea

2024(e)ko otsailaren 6(a), asteartea

2024-02-09, ostirala, entsegua

[eu] | [es]

Ostiral honetan entsegua izango dugu, Itsaso Arrieta etorriko zaigu laguntzera eta hona hemen hitzordua:
  • Formatua: entsegua (Itsasorekin)  
  • Eguna: otsailaren 9an, ostirala  
  • Ordua: 19:30ean
  • Tokia: Kristo Ermita
Bukatzeko kantujira Plentziatik zehar. 


 

2024(e)ko urtarrilaren 28(a), igandea

[26] Ternuatik Ternuara

Antzinako itsas kantuek (ingelesez Sea Shanty deitua) dimentsio berri bat hartu dute Nathan Evans postari eskoziarrak TikTok sare sozialaren bidez ezagun egin dituenetik (informazio gehiago BBC-ko artikulu honetan).

Joan den abendutik milioika bisita pilatu ditu gazte eskoziarrak. "Leave her Johnny" izeneko lehen bideoak 1,1 milioi bisita izan zituen, eta horren ondoren 2,8 milioi bisita izan zituen "The Scotsman" izeneko beste bat argitaratu zuen. Eta gero orain arteko ezagunena etorri zen: "The Wellerman", abenduan argitaratua eta 4,3 milioi aldiz ikusia.

Azken abesti hau XIX. mendeko Zeelanda Berrikoa da. "Baleontzi batean dauden pertsonak dira, eta bale bat harrapatu nahian dabiltza", azaltzen du tiktokerrak. "Eta harrapatzen dutenean, ontzira igo eta abestu egingo dutela".

The Wellerman abestia Nathan Evans ahotsean

The Wallerman kantan oinarriturik bertsio berria sortu du Beskoitzeko Otxalde taldeak, baina hitzen itzulpen hutsa izan beharrean, Otxalde taldekoek doinua mantendu eta Ternuako euskal epopeia dakarkigute gogora, horretatik kantaren izena Ternuatik Ternuara. Hona hemen hitzak:

TERNUATIK TERNUARA

    Hormaguneak urtuak,
    marinelak ontziratuak,
    senideak agurtuak,
    altxa ditzagun belak!

    Belak hedaturik,
    haizez dira hanpaturik,
    goaz Ternuara
    dupen betetzera.

    Red Bayra gaude jendeak,
    orain haste konpontzeak,
    azken neguko ekaitzak
    suntsitu labeak.

    Tarara...

    Balea hor zerumugan!
    Alo! marinelak txalupan 
    arpoinari zuzen ginatu,
    ihes egin nahi du.

    Baleak han pulunpatzen
    ta ur gainera agertzen,
    pulunpatzen ta azaltzen,
    gu txalupari lotzen.

    Aupa arraunari!
    Arraunka, azkarki ta finki
    arpoinatu diagu,
    ez dezagun galdu.

    Apailua ez da moztu,
    ta balea ez askatu.
    Jarrai dezagun borroka
    nahi bada eraman.

    Tarara...

    Udazkena etorri da,
    ta kapitainak manua:
    "Iritsi zaigu unea
    agurtzeko Ternua"

    Ontzirako dupak
    olioz dira beteak.
    Red Baytik atera,
    itzul gaiten herrira.
    
    Tarara...



Herrian, gure kostaldean:
Negua joan eta izotza urtu ondoren, ontziak hornitu, etxekoak agurtu eta bagoaz.


Helbura eta asmoa:
Jomugatzat dugu Ternua eta han uda osoa emanik, bale olioz kupelak bete behar ditugu.


Prestaketak:
Urtez urte, teila gorrien pusketa hautsiek Red Bay koloreztatzen dute. Lehen lana, iazko labeak konpontzea.


Balea hurbil dago:
Balea ikusi dugu, txalupak hartu eta haren bila abiatu gara... 


Ehizaren hasiera:
Ehiza hasi da, balea ur azpian murgiltzen da eta kanpora azaleratzen da...


Ehiza:
Arraun kolpez hurbildu eta arpoinatu dugu, baleak alde egin nahi du. Soka ez da orain eten behar...


Ehizaren amaiera:
...borrokan jarraituko dugu balea nekatu eta hil arte!


Etxerako deia:
Udazkena heldu da, arriskutsuegia da negua Ternuan igarotzea. Kapitainak aginduta Red Bay utzi dugu, negu gogorrak labeak berriro apurtuko ditu eta haien teila zatiekin inguruak gorriz jantziko dira.


Herrira:
Ternuari agur eta etxera goaz.


                        Hitzak: B. Eyherabide
                        Musika: Herrikoia (Zelanda Berria)
                        Moldaketa: Otxalde


Ternuatik Ternuara abestia Otxalde taldearen ahotsean